Толығырақ

Жарияланды 09 Қазан 2025

📆 2025 жылдың 8 қазан күні «Тарбағатай» мемлекеттік ұлттық табиғи паркінің Өрт сөндіру бөлімінің қызметкерлері мен кеңсе қызметкерлері бірлесіп, «Таза Қазақстан» жалпыұлттық экологиялық акциясы аясында «Ауыл тазалығы баршамызға ортақ!» атты сенбілік ұйымдастырды.
🗺️ Экологиялық іс-шараға барлығы 15 адам қатысты. Акция барысында әкімшілік аумаққа қарасты 0,5 гектар жер тазаланып, шамамен 0,2 тонна қоқыс жиналды. Жиналған қоқыс ұлттық паркке тиесілі арнайы техника көмегімен қоқыс полигонына шығарылды.
♻️ Мұндай игі бастама – қоршаған ортаны қорғау, табиғатқа жанашырлықпен қарау, сондай-ақ ауыл тұрғындары мен жастардың экологиялық мәдениетін арттыру бағытында маңызды қадам. Қатысушылар тек сенбілікпен шектелмей, болашақта да осындай экологиялық шараларға белсене атсалысуға ниетті екенін жеткізді.
💚 «Таза табиғат — таза болашақ!» деген ұранмен өткен бұл шара — қоршаған ортаға деген ортақ жауапкершілікті қалыптастыруға бағытталған игі іс.

Экскурсия жетекшісі: Жансая Сакиева.

#табиғатқорғауқызметкерлері
#орманшаруашылығы
#табиғаттыаялайық
#тазақазақстан🇰🇿
#сенбілік

Толығырақ

Жарияланды 04 Қазан 2025

🏫 2025 жылдың 2-қазан күні Ғылым, ақпарат және экологиялық мониторинг бөлімінің ғылыми қызметкерлері «Абылайхан атындағы орта мектеп-бақшасы» КММ-сінің 3 «Б» сынып оқушыларына Дүниежүзілік жануарларды қорғау күніне орай дәріс сабақ өткізді.

☀️Бұл күн – табиғаттың ажырамас бөлігі болып табылатын жануарларды қорғау, олардың маңыздылығын ұғындыру және табиғатты аялауға тәрбиелеу мақсатында атап өтілетін маңызды күн.

🎯 Дәріс сабақтың басты мақсаты – оқушылардың бойында жануарларға деген қамқорлық сезімін ояту, оларды қорғауға үндеу және экологиялық мәдениетті қалыптастыру болды.

📚 Дәріс сабақ барысында оқушыларға жануарлар әлемінің әртүрлілігі, олардың тіршілік ету ортасы мен адам өміріндегі рөлі туралы қызықты ақпараттар ұсынылды. Сонымен қатар, Қызыл кітапқа енген сирек жануарлар мен оларды сақтау жолдары жөнінде бейнероликтер көрсетілді.

🖊️📹 Аға ғылыми қызметкер А.Шәріпқанова.

Толығырақ

Жарияланды 03 Қазан 2025

🗓️ 2025 жылдың 1–3 қазаны аралығында “Тарбағатай” мемлекеттік ұлттық табиғи паркіне қарасты Үржар, Қарабұйрат, Мақаншы және Бақты орманшылықтарының мемлекеттік инспекторларының ұйымдастыруымен “Жануарлардың күзгі көші-қоны” тақырыбында танымдық семинар-сабақтар өтті.

🏫 Семинар жұмысына Үржар және Мақаншы аудандарындағы 6 мектептің оқушылары тартылып, 4–9 сынып аралығындағы 111 бала қатысты.

📌 Іс-шараның басты мақсаты — оқушыларға табиғаттағы маусымдық өзгерістер мен жануарлардың көші-қоны үдерісі туралы ғылыми әрі түсінікті түрде ақпарат беру, олардың табиғатқа деген қызығушылығын арттыру және экологиялық мәдениетті қалыптастыру болды.

👨‍🏫 Сабақ барысында балаларға жануарлардың көші-қон кезінде қандай қиындықтарға тап болатыны, олардың мекен ету ортасын сақтау мен қорғаудың маңызы жайлы мол мәлімет берілді. Интерактивті форматта өткен дәріс барысында балалар өз сауалдарын қойып, мамандардан нақты жауаптар алды.

✅ Мұндай танымдық сабақтар — жас ұрпақтың бойында табиғатқа жанашырлық пен жауапкершілік сезімін оятудың маңызды құралы.

♻️ “Тарбағатай” МҰТП алдағы уақытта да осындай іс-шараларды тұрақты түрде өткізіп, экологиялық білім беруге үлес қоса бермек.

🖊️ Аңшылықтанушы: Берік Нұршайықов.

Толығырақ

Жарияланды 03 Қазан 2025

📌 2025 жылдың 2 қазанында «Биоалуантүрлілікті сақтау» тақырыбы бойынша «Тарбағатай» ұлттық парк аумағында дәріс сабағы ұйымдастырылып, «Жанай орта мектеп-бақша» КММ–нің 8-сынып оқушылары қатысты.
📍Сабақтың басты мақсаты – оқушыларға биоалуантүрлілікті сақтау маңыздылығын түсіндіру, табиғатқа деген сүйіспеншілік пен жауапкершілік сезімін қалыптастыру болды.
🔆 Сабақ ашық аспан астында, көркем табиғат аясында өтті. Дәріс сабақты Ғылым, ақпарат және экологиялық мониторинг бөлімінің ғылыми қызметкерлері мен мен аумаққа жауапты мемлекеттік инспекторы бірлесе ұйымдастырды.
♻️Сабақтың кіріспе бөлімінде экожүйелер, биоалуантүрлілік ұғымы, және қызыл кітапқа енген жануарлар мен өсімдіктер туралы ақпарат берілді.
🗣️ Сонымен қатар, оқушыларға экологиялық тепе-теңдіктің бұзылуы қандай салдарға әкелетінін мысалдар арқылы түсіндірілді. Сабақтың ең қызықты бөлігі – табиғатта серуендеу және бақылау жұмыстары болды.
📸 Оқушылар топтасып парк аумағының табиғатын тамашалап, суретке түсірді, сипаттама жасады. Бұл балалардың табиғатты тереңірек тануына және зерттеу дағдыларын дамытуына ықпал етті.
Дәріс соңында оқушылар алған әсерлерімен бөлісіп, биоалуантүрлілікті сақтау үшін әрбір адамның қандай үлес қоса алатыны жайлы ой бөлісті.
📈Мұғалімдер мен парк қызметкерлері балалардың белсенділігіне жоғары баға беріп, мұндай сабақтар экологиялық тәрбие беруде маңызды рөл атқаратынын атап өтті.

🖊️ 📹 Ғылым, ақпарат және экологиялық мониторинг бөлімі.

Толығырақ

Жарияланды 01 Қазан 2025

Тақырыбы: Экологиялық ағарту, рекреация және туризм бөлімінің 9 айда атқарған жұмыстарының есебі

🗓 Өтетін уақыты: 2 қазан 2025 жыл
🕙 Сағат: 10:00
📍 Платформа: @tarbagatai_2018 әлеуметтік желісінде

🎙 Спикер: Экологиялық ағарту, рекреация және туризм бөлім басшысының міндетін атқарушы Қабсаметов Р.Ж.

📢 Баршаңызды тікелей эфирге қатысуға шақырамыз! Сұрақтарыңызды алдын ала жіберіп немесе эфир барысында қоюға болады.

Толығырақ

Жарияланды 29 Қыркүйек 2025

2025 жылғы 10 қыркүйек күні, Дүниежүзілік туризм күніне орай, Тарбағатай мемлекеттік ұлттық табиғи паркінің ЭАРТ бөлімінің экскурсия жетекшілері Ж.Сакиева мен Д.Баяхметов «Б. Жүнісов атындағы орта мектеп-бақша» КММ-нің 10-сынып оқушыларына арналған «Қарабас» туристік маршруты бойынша танымдық экскурсия ұйымдастырды.

Бұл шараның мақсаты – оқушылардың туған өлкенің табиғаты мен тарихи-мәдени мұрасына деген қызығушылығын арттырып, экологиялық және патриоттық тәрбиені күшейту.

Экскурсия барысында оқушылар Қарабас шатқалындағы тарихи маңызы зор петроглифтерді тамашалап, қола дәуірінен сақталған археологиялық мұралармен танысты. Сонымен қатар, өткен ғасырдың ІІХК (НКВД) кезеңінен қалған мөрдің тарихы туралы тың мәліметтерге қанықты.

Тарих пен табиғат тоғысқан бұл бағыт балалардың ерекше ықыласын тудырды. Олар ежелгі тас бетіндегі суреттердің маңызын түсініп, тарихи орындарды көзбен көріп, тың деректер алды.

Экскурсия соңында оқушылар алған әсерлерімен бөлісіп, жетекшілерге шынайы алғыстарын білдірді. Мұндай шаралар өскелең ұрпақтың туған елге деген сүйіспеншілігін арттырып, табиғатты қорғауға деген жауапкершілігін қалыптастырады.

Экскурсия жетекшісі: Жансая Сакиева.

Толығырақ

Жарияланды 29 Қыркүйек 2025

2025 жылдың қыркүйектін 25 күні «Президент жолдауындағы экологиялық өзекті мәселелер: экокөшбасшылар шешу жолдарын бірге қарастыруға дайын» тақырыбында «Эко-көзқарас» жобасының дискуссиялық алаңы өтті. Ақтау қаласындағы химия-биология бағытындағы Назарбаев Зияткерлік мектебінің жетекшілігімен жүргізілген «Эко-көзқарасқа» Маңғыстау облысынан «Үстірт» МТҚ, Қазақ Каспий теңізі ғылыми-зерттеу институты, Маңғыстау облысы балық шаруашылығы басқармасы, «Қызылсай» МӨТП, «QazaqBalyk» қауымдастығының Маңғыстау облыстық филиалы, Абай облысынан «Тарбағатай» МҰТП, «Егінсу орта метебі» КММ қатысты.

ҒАЭМ бөлімінің басшысы: Б.Садақова.