- Толығырақ
Табиғатта еліктер (Capreolus pygargus) әдетте 1-2 лақ туады, кейде сирек жағдайларда 3 лақ тууы да кездеседі.
Неліктен 3 лақ тууы сирек?
• Энергетикалық шығындар: Аналық еліктің организмі үш лақты көтеру және оларды сүтпен қамтамасыз ету үшін көп күш жұмсайды.
• Тіршілікке бейімделу: Табиғатта көбіне 1–2 лақ қана аман қалады, сондықтан үш лақ туу — кездейсоқ әрі қысқа мерзімді құбылыс.
• Генетикалық және қорек жағдайлары: Қорек жеткілікті, аналықтың жасы мен денсаулығы жақсы болғанда үш лағы болуы мүмкін.
Ғылым, ақпарат және экологиялық мониторинг бөлімі
- Толығырақ
Табиғат қорғау шараларын күшейту және құқықбұзушылықтардың алдын алу мақсатында “Тарбағатай” мемлекеттік ұлттық табиғи паркінің мемлекеттік инспекторлары Гергенрейдер К. мен Гергенрейдер Е. ерекше қорғалатын табиғи аумақта жаңа аншлаг орнатты.
Орнатылған аншлагта заңсыз аңшылық үшін қарастырылған жауапкершілік туралы ескертулер мен ақпараттар көрсетілген. Мұндай шаралар келушілер арасында экологиялық мәдениетті арттыруға және табиғи аумақтағы жануарлар дүниесін қорғауға септігін тигізеді.
Инспекторлардың айтуынша, бұл жұмыс алдағы уақытта да жалғасын тауып, ұлттық парктің барлық маңызды бағыттарын қамтитын болады.
Ұлттық парк баспасөз қызметі
- Толығырақ
2025 жылдың 1 тамызы күні “Тарбағатай” мемлекеттік ұлттық табиғи паркінің “Қарабұйрат” орманшылығында “Таза Қазақстан” бағдарламасы аясында “Жасыл Қазақстан” атты экологиялық акция ұйымдастырылды.
Табиғатты аялау, қоршаған ортаны қорғауға үлес қосу мақсатында өткізілген сенбілікке ұлттық паркінің 6 мемлекеттік инспекторы қатысты. Олар 1 гектар аумақты қамтып, 0,02 тонна тұрмыстық қоқысты жинап, арнайы қоқыс полигонына жеткізді.
Мұндай шаралар жастарға үлгі болып, қоршаған ортаға жауапкершілікпен қарауға тәрбиелейді. Табиғат — ортақ қазына, оны қорғау — баршамыздың борышымыз.
Мемлекеттік инспектор: Рүстем Оспанов.
- Толығырақ
Табиғатты аялау – ортақ парызымыз. Осы ұстанымды басшылыққа алған Бақты орманшылығының мемлекеттік инспекторлары 31 шілде күні «Сенбілік жұмыстары – тазалық таразысы» атты экологиялық акция ұйымдастырды.
Шара аясында Ақшоқы және Бұғыбай өзендерінің жағалаулары тазартылып, қоқыс жиналды. Бұл сенбілікке 21 адам белсенді түрде атсалысты. Бір гектар аумақты қамтыған тазалық жұмыстары нәтижесінде 0,02 тонна тұрмыстық қалдық жиналып, арнайы қоқыс полигонына шығарылды.
Аталған акцияның басты мақсаты – табиғи аймақтарды тұрмыстық қалдықтардан тазарту, қоршаған ортаға деген жауапкершілікті арттыру және тұрғындар арасында экологиялық мәдениетті қалыптастыру.
Экологиялық бастамалардың маңыздылығын ескере отырып, мұндай сенбіліктер алдағы уақытта да жалғасын таппақ. Бақты орманшылығының қызметкерлері табиғатты таза ұстау – әр азаматтың борышы екенін еске салып, барлық тұрғындарды табиғатты аялауға шақырады.
“Бақты” орманшылық басшысының көмекшісі: А.Әукенов.
- Толығырақ
2025 жылдың 29 шілдесі күні «Тарбағатай» мемлекеттік ұлттық табиғи паркінің инспекторлары мен Бестерек ауылдық округі әкімдігі бірлесіп, «Таза Қазақстан» экологиялық акциясы аясында сенбілік ұйымдастырды. Шараға Бестерек ауылдық округінің әкімі Д.Сағанаев пен округ қызметкерлері де белсене қатысты.
Сенбілік жұмыстары Ақтоғай өзенінің бойында өткізілді. Бұл аумақ — табиғи сұлулығымен көз тартатын ерекше аймақтардың бірі. Алайда соңғы уақытта адамдардың жауапсыз әрекеттерінен бұл өңірде тұрмыстық қалдықтар көбейіп кеткен. Осыны ескерген жергілікті билік пен табиғат қорғаушылары жұмыла әрекет етіп, табиғатты қалпына келтіруге өз үлестерін қосты.
Жалпы 0,7 гектар әкімшілік аумақ тазаланып, 2 тоннаға жуық қоқыс арнайы полигонға шығарылды. Іс-шараға қатысқан 10 адам табиғатты аялаудың маңызын тағы бір мәрте ұғындырды.
Мұндай акциялар — қоршаған ортаны қорғауға бағытталып қана қоймай, қоғамның экологиялық мәдениетін қалыптастыруға жол ашатын игі қадам. Табиғатты таза ұстау — әр азаматтың борышы екенін ұмытпайық.
Экологиялық ағарту инженері: Ә.Көбенова.
- Толығырақ
«Тарбағатай» мемлекеттік ұлттық табиғи паркінде Кәсподақ ұйымының ұйымдастыруымен 2025 жылдың 25 шілде күні ұлы ақын, ойшыл Абай Құнанбайұлының 180 жылдығына орай «Абай – дана, Абай – дара қазақта» тақырыбында Абай оқулары байқауы өткізілді. Байқауға мекеме қызметкерлерінің 4 және 15 жас аралығындағы балалары қатысты. Бұл шара ұйым ішіндегі ұжымдық байланысты нығайтып, балалардың шығармашылығы мен қабілеттерін дамытуға, жастардың рухани дүниесін байытып, ұлттық құндылықтарға деген сүйіспеншілігін арттыру мақсатында ұйымдастырылды.
Байқауға қатысушылар 3 жас кезеңі бойынша Абай Құнанбаевтың өлеңдерін мәнерлеп оқыды. Қазылар алқасының шешімімен үздік өнер көрсеткен қатысушыларды мекеме директоры Серкебаев Айдын Серікұлы арнайы алғыс хаттармен және сыйлықтармен марапаттады.
Аталған іс-шара қатысушылардың шығармашылық қабілеттерін дамытуға, әдебиетке деген қызығушылығын арттыруға зор үлес қосты. Абай мұрасын дәріптеу — ұрпақтың рухани дамуына бағытталған маңызды қадамдардың бірі.
Абай оқулары — тек әдеби байқау емес, бұл — халқымыздың ұлы мұрасын насихаттау, жас ұрпақтың бойына адамгершілік, парасаттылық, білім мен өнерге құштарлықты сіңірудің жарқын үлгісі.
Кәсіподақ төрайымы Салтанат Мәженова
- Толығырақ
Сіздің “Тарбағатай” мемлекеттік ұлттық табиғи паркінде атқарған ұзақ жылдар бойғы адал еңбегіңізді ескере отырып, зейнеткерлікке шығуыңызбен шын жүректен құттықтаймыз!
🌿Орман шебері ретінде табиғатты аялауға, ұрпаққа аманат етуге қосқан үлесіңіз зор. Сіздің еңбекқорлығыңыз бен жауапкершілігіңіз – кейінгі буынға үлгі.
🎉 Зейнет жасыңыз қуаныш пен тыныштыққа толы болсын. Деніңізге саулық, отбасыңызға амандық, алдағы күндеріңізге береке тілейміз!
🎊 Ізгі тілекпен,
“Тарбағатай” МҰТП” РММ директоры А.Серкебаев және ұлттық парк ұжымы.
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
