- Толығырақ
🌸 «Тарбағатай» мемлекеттік ұлттық табиғи паркінің ғылыми қызметкерлері 2025 жылдың 24 сәуірі күні, «Парктер шеруі – 2025» Халықаралық табиғатты қорғау акциясы аясында “Көлденең орта мектеп-бақшасы” КММ-сінің 8-10 сынып оқушыларына «Көктемнің алғашқы гүлдейтін өсімдіктері» тақырыбында дәріс сабақ өткізді.
🌸 Ғылыми қызметкерлер оқушыларды ұлттық парк аумағында алғаш гүлдейтін өсімдіктермен таныстырып, өлкеміздің табиғатын сақтауға, жаңа өсімдіктерді танып білуге, жоғалып бара жатқан өсімдік түрлерін қорғауға шақырды.
🌸Қатысушылар саны - 30 оқушы.
🖊️Аға ғылыми қызметкер: А.Шәріпқанова.
- Толығырақ
Сәуір айының 22-сі күні «Тарбағатай» мемлекеттік ұлттық табиғи паркінің ғылыми қызметкерлері «Парктер шеруі - 2025» Халықаралық табиғатты қорғау акциясы аясында Үржар ауылының « Абай атындағы орта мектеп-бақшасы» КММ-нің 8-сынып оқушыларына (жалпы саны-41) «22-сәуір Халықаралық Жер күні» тақырыбында дәріс-сабақ өткізді.
Дәріс сабақ барысында ғылыми қызметкерлер бұл күннің маңыздылығын туралы ақпарат беріп, оқушыларға табиғатты қорғау, қоршаған ортаны таза ұстау туралы түсіндірме жұмыстарын жүргізіп, бүктеме қағаздарын таратты. Дәріс сабақ соңында оқушылар қоршаған ортаны қорғау тақырыбында постер қорғап, өз ойларымен бөлісті
- Толығырақ
Ағымдағы жылдың сәуір айының 22- күні «Тарбағатай», мемлекеттік ұлттық табиғи паркі РММ-ң қызметкерлерімен Үржар ауданына қарасты Ақжар ауылдық округіінің қызметкерлерімен бірлесіп 0,3 тоннадан астам қоқыс жиналды.
Бұл құрғаған бұталар, қыс мезгілінен кейін құлаған ағаштар, тұрмыстық қалдықтар, түскен жапырақтар мен балшық шөгінділері. Іс-шараға 20-дан аса астам адам қатысып 1 техника жұмылдырылды.
Мұндай акциялар бірегей экожүйелерді сақтауға және қоршаған ортаның ластануын болдырмауға бағытталған. Естеріңізге сала кетейік, «Таза аймақ» акциясы «Таза Қазақстан» экологиялық мәдениетін дамыту тұжырымдамасы аясында жүзеге асырылды.
Алдағы уақытта барлық қазақстандықтарды экологиялық бастамаларға белсенді түрде қатысуға және қоршаған ортаны қорғауға өз үлестерін қосуға шақырады.
Рекреация және туризм жөніндегі инженер: Д.Тоқтасынұлы.
- Толығырақ
Мемлекет басшысының «Таза Қазақстан» экологиялық акциясын өткізу жөніндегі тапсырмасы аясында және «ТазаLIKE», «Парктер шеруі-2025» акцияларының жоспарына сәйкес ағымдағы жылдың сәуір айының 18-і күні «Бүкіл Қазақстандық ағаш отырғызу күні» акциясы жүргізілді. Бұл бастамаға Үржар ауданының әкімдігімен ауылдық округтардың әкімдіктері және мемлекеттік мекемелер белсене қатысты.
Ағаш отырғызу күніне орай Ұлттық парктің демеушілігімен 1000 дана терек көшеттері Үржар ауылының «Балалар саябағы», «Орталық спорт алаңы» маңында отырғызылды. Іс-шараның негізгі мақсаты - экологиялық мәдениет деңгейін арттыру, орманды жаңғырту идеясын қолдауға жұртшылықтың назарын аудару, қоршаған ортаға ұқыпты қарау қажеттілігі болып табылады.
Табиғат сұлулығы мен таза ауаның кілті - ағаштар. Осы тұрғыдан алғанда, аталмыш шараның ұйымдастырылуы аймақтағы экологияны одан әрі жақсартуға,елді-мекендерді көгалдандыруға ықпал етеді.
Барлық қатысушылардың саны - 300 адам.
Орман патолог инженері – Тұяқбаев Нұрлан.
- Толығырақ
«Тарбағатай» мемлекеттік ұлттық табиғи паркінің ғылыми қызметкерлері 2025 жылдың 17 сәуір күні, Мақаншы ауданының білім бөлімімен бірлесіп, Мақаншы ауданының «Сейфуллин атындағы орта мектеп – бақшасы» КММ-нің, «Бауыржан Жүнісов атындағы орта мектеп-бақшасы» КММ-нің, «Найманбай атындағы орта мектебі» КММ-нің және «Мақаншы орта мектеп-бақшасы» КММ-нің биология, география, тарих пәндерінің ұстаздарына «Тарбағатай» мемлекеттік ұлттық табиғи паркінің ғылыми-зерттеу нәтижелерін мектеп бағдарламасында пайдалану» атты семинар өткізді.
Семинар барысында мектеп ұстаздарына «Тарбағатай» Мемлекеттік ұлттық табиғи паркінің құрылу тарихы, ұлттық парк жұмысын ұйымдастыру негіздері, ұлттық парктің кластерлік аумақтары, өсімдіктер және жануарлар әлемін таныстырып, ғылым, ақпарат және экологиялық мониторинг бөлімінің жұмыс бағыты және ғылыми-зерттеу жұмыстарының нәтижелерін мектеп бағдарламасында пайдалануға болатындығын және ұлттық паркпен ынтымақтастықтың тиімді тұстарын атап өтіп, бірлесіп атқаруға болатын жұмыстарды талқыға салды.
Семинарға қатысушы ұстаздар ой-пікірлері мен ұсыныстарын да еркін жеткізіп, мектеп пен ұлттық парк арасындағы ынтымақтастықты одан әрі күшейтіп, алдағы уақытта өткізілетін іс-шаралардан қалыс қалмайтындығын айтты. Сондай-ақ, жыл сайын ғылыми қызметкерлермен бірлесіп, оқыту семинарларын және ұлттық парк аумағында ғылыми танымдық экскурсиялар ұйымдастыруды ұсынды. Биология, география, тарих бағытында ғылыми жоба қорғайтын мектеп оқушыларына ғылыми қызметкерлер бағыт-бағдар беріп, қажетті ақпараттармен бөлісе алатындығы жайлы да айтылды.
Ғылым, ақпарат және экологиялық мониторинг бөлімі
- Толығырақ
2025 жылдың сәуір айында Абай облысы бойынша орман шаруашылығы және жануарлар дүниесі аумақтық инспекциясы және «Охотзоопром» өндірістік бірлестігі республикалық мемлекеттік кәсіпорнының мамандарымен «Тарбағатай» мемлекеттік ұлттық табиғи паркінің Үржар орманшылығының мемлекеттік инспекторлыры табиғатты қорғау, заң бұзушылықтын алдын алу мақсатында бірлескен рейдтік іс-шаралар жүргізуде.
Рейдтің басты мақсаты – табиғат қорғау заңнамасының сақталуын бақылау, сирек кездесетін және қорғалатын жануарлар мен өсімдіктер түрлеріне браконьерлік әрекеттердің алдын алу, сондай-ақ орман және дала өрттерінің алдын алу болып табылады. Мұндай шаралар экожүйені сақтау және табиғи ресурстарды тиімді пайдалану бағытында маңызды рөл атқарады.
- Толығырақ
Қар бетіндегі жыландар сирек кездесетін, бірақ кейде көктемде байқалатын табиғи құбылыс. Бұл құбылыс, әдетте, жыландар қыстаудан ерте шығып кеткен кезде байқалады.
Ұлттық парктің аумағының үлкендігіне байланысты фенологияның басталуы әр аумақта әр түрлі. Еске салсақ, наурыз айының 8-10 аралығында жауған қардың қалыңдығы 1.5метрге жеткен болатын. Бүгінде ұлттық парктің шығыс бөлігінде қар еріп, ағаштар бүршік атқанда, батыс бөліктегі қар әлі толық ерімесе де, күн күрт жылынып, жер астындағы жылан індерінің температурасының жоғарылауына байланысты бұл аумақта жыландар қысқы ұйқыдан ояна бастады. 2025 жылдың сәуір айының 15 жұлдызында «Қарабұйрат» орманшылығының мемлекеттік инспекторы А.Сүлейменовтың айтуынша бір мезетте қар бетінен 9 жыланды кездестірген.
Сол сәтте жыландар өте әлсіз болды деседі, себебі олар әлі толық белсенділікке көшпеген. Олар шабуылдамайды, керісінше қар бетінен құрғақ жерге жорғалауға ассыққан.
Алдағы уақытта далада немесе орманда қар бетінде жыландарды көрсеңіз, оларды мазаламаған дұрыс.
🖊️Ғылым, ақпарат және экологиялық мониторинг бөлімі
📷 А.Сүлейменов
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
