- Толығырақ
Ақпан айының 12-сі күні "Тарбағатай" МҰТП-нің "Мақаншы" орманшылығының орманшылық басшысы Асхат Зейнолда мен орманшылық басшысының көмекшісі Ержан Шакировтың ұйымдастыруымен орман шебері Сәкен Қарымсақов пен оған қарасты мемлекеттік инспекторлар Мақаншы ауданының "Көктерек орта мектеп-бақшасы" КММ-сінің 7-10 сынып оқушыларына "Аң аулауға тыйым салынады!" тақырыбында семинар сабақ өткізді. Семинарға жалпы саны - 69 оқушы қатысты.
Семинар сабағымыздың мақсаты: тіршіліктің тұтқасы болған ұшқан құс пен жүгірген аңды келешек ұрпақ үшін сақтау және жас ұрпақтың бойында мейірімділік пен экологиялық тәрбиені қалыптастыру еді.
«Тарбағатай» мемлекеттік ұлттық табиғи паркі» Республикалық мемлекеттік мекемесі «Қазақстан Республикасы Үкіметінің 2018 жылғы 27 маусымдағы N382 қаулысымен құрылды. Ұлттық парктің аумағы 143550,5 га. құрайды.
«Тарбағатай» ұлттық паркінің негізгі мақсаты - биологиялық және ландшафттық әртүрлілікті сақтап қалу, арнайы экологиялық, ғылыми, тарихи-мәдени және рекреациялық құндылығы бар табиғат қорғау мақсаттары үшін мемлекеттік табиғи резервтік қордың бірегей табиғи кешендерін және объектілерін пайдалану болып табылады.
Ұлттық парк омыртқалы жануарлар фаунасына өте бай. Фаунаның 376 түрі кездеседі, оның ішінде балықтың 19 түрі, қосмекенділердің 2 түрі, бауырымен жорғалаушылардың 23 түрі, құстардың 272 түрі, сүтқоректілердің 60 түрі мемлекет қамқорлығына алынды.
Мемлекет аумағында сирек кездесетін және жойылып кету қаупі бар Қазақстанның «Қызыл кітабына» енген жануарлардың 40 түрі, яғни бауырымен жорғалаушы 1, құстардың 33 түрі және сүтқоректілердің 6 түрі парктің қорғауында.
«Тарбағатай» МҰТП аумағында аңшылыққа тыйым салынғандықтан, аңшылық шаруашылығы субъектілері орналаспаған. Сол себепті, аң-құс атқан адамдар Қазақстан Республикасының Қылмыстық Кодексiнің 337-бабына сәйкес қылмыстық жауапқа тартылады.
Семинар сабақты өткізуге және де балалардың ұлттық паркіміз туралы деректермен сусындауына ықпал еткен "Көктерек орта мектеп-бақшасы" КММ-сінің директоры Барлыханова Найля Әмірхамзақызына "Тарбағатай" мемлекеттік ұлттық табиғи паркі" Республикалық мемлекеттік мекемесінің атынан алғыс білдіреміз!
"Мақаншы" орманшылығының орманшылық басшысы:
Асхат Зейнолда.
- Толығырақ
«Таза Қазақстан» экологиялық бағдарламасы ауданымыздың барлық мектептерінде жалғасын табуда. Басты мақсат – қоршаған ортаны сақтап, экологиялық мәдениетті қалыптастыру.
2025 жылдың 11-ші ақпаны күні Экологиялық ағарту, рекреация және туризм бөлімінің инженерлері "Науалы орта мектебі" КММ-сінің оқушыларымен бірге «Таза Қазақстан» экологиялық бағдарламасы аясында "Мен еккен ағаш менімен бірге өседі!" атты экологиялық акция өткізді. Акция барысында көгалдандыруды арттыруға және табиғатты сақтап қалуға бағытталған лекция сабағы өткізіліп, тұқымдарды контейнерлерге отырғызу арқылы көшет өсіру іс-шарасы атқарылды.
Экологиялық акцияға 7-9 сынып оқушыларынан 35 бала қатысып, контейнерлерге 100 дана кәдімгі қарағай тұқымын отырғызды.
Экологиялық ағарту инженері Ә.Көбенова.
- Толығырақ
Бұлан (Alces) — бұғылар тұқымдасына жататын ең ірі сүтқоректі, тұяқты жануар.
Шоқтығының биіктігі 2 метрге жетеді, салмағы 600 кг-дай. Түсі қыста қара қоңыр, жазда қоңырқай, басы, аяғы ақшылдау. Алдыңғы аяқтарындағы тұяқтары өткір. Аталықтың үлкен шеңбер тәрізді мүйіздері бар; олардың ендігі 180 см-ге дейін, массасы 20-30 кг. Күзде мүйіздер құлап, сәуір-мамыр айларында жаңа мүйіздер өседі. Аналықтарында мүйіз болмайды.
Жазда шөппен, қыста бұтақ, ағаш қабықтары және бұталарымен қоректенеді. Күйлеу уақыты қыркүйек-қазан. 225-230 күн буаздықтан кейін, мамыр-маусымда аналығы 1-2 төлін дүниеге әкеледі.
Баспасөз қызметі.
- Толығырақ
2025жылдың 6 ақпаны күні "Тарбағатай" МҰТП-нің "Үржар" орманшылығының мемлекеттік инспекторлары және Үржар ауданы төтенше жағдайлар қызметінің басшысы Б.Саянов қызметкерлерімен ауа-райының күрт өзгеруі және қолайсыздығына байланысты халықтың қауіпсіздігін қамтамасыз ету, төтенше жағдайлар кезінде алдын ала әрекет ету шараларын түсіндіру және қауіпті жағдайларды болдырмау мақсатында бірлескен профилактикалық рейдтік іс-шара жұмыстарын жүргізді.
Үржар орманшылығының басшысы: Қ.Шәріпқанов
- Толығырақ
"Үржар" орманшылығының мемлекеттік инспекторлары К.Гергенрейдер мен Е.Гергенрейдер "Таза Қазақстан" экологиялық бағдарламасы аясында Экологиялық ағарту, рекреация және туризм бөлімі ұйымдастырып отырған "Қыстайтын құстарға көмектесеміз!" экологиялық акциясына отбасымен қатысты.
Жеке тұлғаның түзілуі негізінен отбасында жүреді. Сондықтан ата-ана баланың қоғамдағы негізгі мінез-құлық нормаларымен қатар, экологиялық мәдениеттің де негіздерін үйрете бастауы керек. Табиғатты қорғауды өз үйіңнен бастауға болады. Сөйтіп экологиялық мәдениеттің басы отбасында түзіле бастайды. Экологиялық тәрбие экологиялық білім берумен толықтырылады.
Экологиялық ағарту инженері: Ә.Көбенова.
- Толығырақ
2025 жылдың 6 ақпан күні Абай облысы білім басқармасының Үржар ауданы білім бөлімінің "Абылай хан атындағы орта мектеп-бақшасы" КММ-нің 1 "г" сынып оқушылары мен ата-аналары "Тарбағатай" МҰТП-нің "Таза Қазақстан - 2025" бағдарламасы аясында ұйымдастырылған "Қыстайтын құстарға көмектесеміз!" экологиялық акциясына белсене қатысып отыр.
Мақсаты: Қыстайтын құстардың тіршілік ету проблемаларына назар аудару және олардың санын көбейту.
Экологиялық акцияға жалпы 16 адам қатысқан.
Жетекшісі: Аркашева Жайнагүл Анарбековна.
Экскурсия жетекшісі: Р.Көрпешов.
- Толығырақ
Аталмыш акция "Тарбағатай" МҰТП-нің "Таза Қазақстан - 2025" экологиялық акциясының жоспарына сәйкес мектеп жасындағы балаларды экологиялық тәрбиелеу бағытында ұйымдастырылып отыр.
"Қыстайтын құстарға көмектесеміз!" экологиялық акциясында балаларды рухани негізде экологиялық мәселелерді түсінуге дайындау ұсынылады. Акцияны өткізу оқушылардың табиғат тағдыры үшін жауапкершілік сезімін қалыптастыруға мүмкіндік береді. Табиғатты тану процесі барлық тіршілікке адамгершілік қатынастың қалыптасуына, шығармашылықпен тәрбиелеуге және дамытуға ықпал етеді. Оқушы акцияның белсенді, мүдделі, тең құқылы қатысушысы болады. Бұл білімге деген ұмтылысты дамытуға, мотивация беруге мүмкіндік береді.
Қыс мезгілі - қыстайтын құстардың өміріндегі ерекше қиын кезең. Бұл уақытта олар біздің қамқорлығымызға - қоректендіруге мұқтаж.
Өзекті мәселе. Қыста құстарға қалай көмектесуге болады?
Мақсаттар:
- Экологиялық мәдениетті қалыптастыру (экологиялық сана-сезім мен экологиялық қызметтің жиынтығы);
- Балаларда құстарға деген мінез-құлықтың, моральдық-эстетикалық нормалармен қарауға деген ұмтылыстың қалыптасуы;
- Табиғат және оны қорғау туралы білімді тарату;
- Оқушылардың құстар туралы білімдерін жетілдіру;
- Қыстайтын құстардың тіршілік ету проблемасына назар аудару және олардың санын көбейту;
- Баланың зияткерлік және шығармашылық әлеуетін арттыру.
Тапсырмалар:
- Құстарға арналған жемсауыттар жасау;
- Ынта мен зейінді қалыптастыру;
- Балалардың бойындағы құстарға деген қызығушылықты, мейірімділікті және қамқорлықты, табиғатқа деген сүйіспеншілікті ояту.
Акцияның практикалық маңыздылығы:
- Құстарды қысқы азықтандыруға оқушыларды жаппай тарту.
Күтілетін нәтиже:
- Экологиялық акцияны іске асыру барысында біз өз тәжірибемізді балалар күнделікті өмірде пайдаланады деп күтеміз.
- Біз өткізетін экологиялық акция өскелең ұрпаққа үлгі болады.
Іс-шара өткізілетін орын: мектеп алаңы, саябақтар.
Өткізілу мерзімі: 6-17 ақпан, 2025 жыл.
Ұйымдастырушылар: Экологиялық ағарту, рекреация және туризм бөлімі, Табиғи кешендер мен объектілерді қорғау бөлімі.
Жауапты: Экологиялық ағарту инженері - Ә.Көбенова.
Байланыс нөмірі: 3-20-98
Серкебаев Айдын Серікұлы
«Тарбағатай» мемлекетік ұлттық табиғи паркі» РММ директоры
"Тарбағатай" Ұлттық паркі. Сан. тазалау үшін ақы төлеу
"Тарбағатай" Ұлттық паркі. Көлікке арналған тұрақ ұсыну
