«Тарбағатай» мемлекеттік ұлттық табиғи паркінде ҚР «Сыбайлас жемқорлыққа қарсы іс-қимыл туралы» Заңының талаптарын орындау мақсатында қызметкерлермен түсіндіру жиналысы өткізілді.
Жиналыста Заңның 12-бабы 1-тармағы 6)-тармақшасына сәйкес:
• лауазымды тұлғаларға құмар ойындарына және (немесе) бәс тігуге ойын мекемелерінде де, сондай-ақ интернет желісі арқылы да қатысуға тыйым салынатыны,
• барлық мемлекеттік қызметшілер мен мемлекеттік функцияларды орындауға теңестірілген қызметкерлер сыбайлас жемқорлыққа қарсы заңнама талаптарын қатаң сақтауға міндетті екендігі,
• белгіленген шектеулерді бұзған жағдайда тәртіптік жауапкершілік қарастырылатыны,
кеңінен түсіндірілді.
Сонымен қатар, қызметкерлерге сыбайлас жемқорлықтың кез келген көрінісіне жол бермеу, адалдық қағидаттарын сақтау және мемлекеттік қызмет беделін арттыру қажеттілігі баса айтылды. Жиналыс қорытындысы бойынша хаттама толтырылды.
Директор орынбасарының м.а., заңгер:
Н.Дүйсекенов.
